القائمة الرئيسية

الصفحات

 La Fac 







La Fac أو ما يعرف بالكلية 

سأتحدث باللغة العامية اللي هي الدارجة لأن هذا الموضوع مهم 


لافاك بالنسبة للمغاربة كتبقى هي آخر حاجة تقدر تكمل فيها قرايتك من بعد الباك حيث ماكايبقالك والوا من بعد عدم إدراجك في المدارس العليا أو المدارس العسكرية لي كاتبقا حلم أي طالب مغربي نظرا لجودة دبلوماتها العالية و كفاءة مدرسين ديالها زيد على ذلك التنظيم المحكم لي فيها على غرار الجامعة لكلها مهزلة طيلة السنة ... فلافاك كاتقرا بنظام الموديلات .


       ■ نظام الموديلات بالكليات : 


 كيفاش نظام الموديلات ؟ مثلا إلى كنتي علوم فزيائية PC وبغيتي دير SMP فلافاك يعني غاتقرا MATH , PHISIC , CHIMIQUE ; FRANÇAIS  غادي يكون عندك 7 Module فكل دورة يعني غاتقرا 14 Modules فالعام فحال إلى قلتي Module هو درس عام وفيه كاينة الدروس (Les Chapitres)وخاصك تفاليدي 7 Modules في العام على الأقل باش دوز للسنة المقبلة . واللي بقا لك مايبقا كريدي عليك حتى تردوا وخاصك تفاليدي 7 في العام باش تبقالك المنحة للسنة المقبلة كاملة ماتنقصش لك .

 

       ■ معلومات هامة : 


إبتداءا من موسم الدراسة 2021-2022 سيتم إعتماد نظام الباكالوريس .


       ■ التخصصات المتاحة : 


▪SMPC : Science Math , Phisic ; Chimique (S.pc) .

▪SMAI : Science Math , Apliqué , Informatique (S.math).

▪BCG: Biologie , Chimique ; Geologie (SVT).

▪Économie.

▪Jurdique.

▪Étude Anglais .

▪Étude Français.

▪الدراسات الإسلامية .

▪جغرافيا .

▪التاريخ .

▪علم النفس .

▪علم الإجتماع .

▪الفلسفة .

▪العربية .


       ■ الشواهد الممنوحة : 


▪Deug : Bac+2ans .

▪Licence Fondamentale : Bac+3ans .

▪Licence Pro : Bac+4ans .

▪Master F : Bac+5ans .

▪ Master P : Bac+6ans .

▪Dictorat : Bac+8ans .


       ■ كيفاش نحصل على الشواهد ؟ 


باش تمر من شهادة إلى آخرى خاصك تكون مفاليدي جميع الموديلات وغالبا ما يتم آخذ النقط المحصل عليها بعين الإعتبار .

يعني إلى كنتي غتفاليدي semestre ب 10 أو 11 مغادير لك والوا ومغاتنفعك بوالوا ملي توصل للماستر غتحصل خاص على الأقل تكون داخل ب 12/20 أو أكثر .


       ■ ملاحظة : يمكن لك تمشي للمدارس العليا ؟ 


نعم من حقك دفع لهم ب Deug و Licence ؛ مثلا : EMI-EHTP-ENSAM-ENCG-ENSIAS ...

بشروط من بينها تكون مفاليدي بنقط عاليا يعني المونسيو، وفي لافاك بالضبط المونسيو ماساهلش خاصك تكون كاتخدم نيت .


       ■ نظرة عامة على La Fac : 


لافاك خاصك تكون كتقرا بجدية وكتقاتل وغاديرها على أساس تخدم نيت ... semestre كيدوز سريييع ويزم الإمتحان خاصك تحط ديك المعلومات اللي جمعتي .. هناك بعض التلاميذ اللي كايعتابروا لافاك كحرية لأنهم ماكايقراوش فمدينتهم وكايبقاو عاطينها للضحك والتفليا وكاين اللي كايحضر وكايخدم على راسوا وميوصل يعني لافاك فيها مايدار كما أنها كاتخرج تلاميذ كبااار .


       ■ الأساتذة و المشاكل بالكليات : 


بالنسبة للأساتذة كاين اللي كايشرح مزيان ماين لا وكايبقا كولشي عليك خاصك تقلب وتبحث على المعلومة وماتسناش الأستاذ يعطيك الواجد أو كما يسمى "التعليم الذاتي".

المشكل الأول اللي مطروح هو اللغة إلى كنتي علمي أتقرى المواد العلمية بالفرنسية و هناك إمتياز بالنسبة باك دولي (Biof) ، وإلى ما كانش عندك مع الفرنسية أتعاني شي شوية ولكن مع الوقت غادي تتعلم .

المشكل الثاني هو الزربة يعني خاصك تكون كاتزرب ، وخاصك الدرس اللي درتيه توجدوا فنهاروا متخليهمش يتجمعوا عليك خيش غيفشلوك بالكثرة ديالهم .....


       ■ نصائح و توجيهات : 


▪وجد الدرس قبل ماديروا باش تكون عندك فكرة مسبقة عليه .

▪الدرس اللي درتيه حيدوا فنهاروا .

▪حاول تبعد على اللي غيلهيك على قرايتك ومني دخل للأمفي نسا الضحك و التفاهة .

▪خدم بجدية وما تقولش لافاك مافيها مايدار واللي فاتونا هاهما عندهم شواهد وعاطلين عن العمل ... شخال من واحد خرجت عليه هذه الهدرة .. خاصك تعرف كون كانوا عندوا هاد الشواهد بنقط زوينة مكانش يضيع ، والعكس صحيح شحال من واحد خدمعلى راسوا ووصل ولا راه كايقرى في أحسن المدارس العليا

هل اعجبك الموضوع :

تعليقات