امتا كيحيدو ليك المنحة
بالنسبة المنحة امتا كيحيدوها ليك فالحالات التالية:
- الى مدخلتيش 7 موديلات فالعام كيمشي ليك نصف
_في حالة كنتي كتستافد من نصف منحة فاليديتي اقل من 7 كتمشي ليك منحة
- الى عاودتي العام كذلك كيمشي نصف.
- الى نقاطعتي على دراسة واحد مدة (عام..).
- الى كملتي الاجل المحدد لك لي هو 3 سنوات بالنسبة لي كيشد النصف (950درهم)
و 4 سنوات لداك لي كيشد (1900درهم) داك العام رابع هو في حالة الى رجعو ليك موديلات وزدتي عام اما الى شديتي الاجازة ف 3 سنوات صافي راه العام رابع مكيعطيوهاش ليك.
_________
وبالنسبة لدوك لي كسولو واش الى بدلو كلية واش غتمشي منحة؟
باش تبقى ليك منحة من احسن تمشي مصلحة منح موجودة فالمؤسسة لي كتقرا فيها حاليا دفع ليهم طلب خطي بخصوص طرونسفير ملف منحة من كلية إلى كلية أخرى (ستجدون طلب خطي اول تعليق)
⬅️ ملاحظة 🚫 خاصك تكون فاليدي قبل باش ملي دير طرونسفير شعبة او كلية تبقى ليك منحة
(الى حيدو ليك منحة خاص تفاليدي 7 موديلات باش عام جاي ترجع ليك)
بالنسبة طلبة الجدد 🔥🔥
✅ بطاقة المنحة كاتقبطها من لاجونص وكايكون اعلان فالمؤسسة لي نتا كادرس فيها باش حدو ليك مكان وزمان آخد بطاقة 💳
✅ كايتم الإعلان على الممنوحين ديال ( باك 2020 )فالعمالة او نيابة لي تابع ليها في حالة مالقيتيش سميتك كادفع شكاية مرة اخرى
✅ الى ماتسجلتيش فلافاك اولا اي مؤسسة مغاديش تستافد من المنحة نهائيا
✅في حالة فاليديتي 7 ديال لي موديل غادي تقبط المنحة كاملة الى مفاليديتيش 7 فالعام غاتشد نص ( في حالة كنتي كاتشد نصف المنحة فاليديتي اقل من 7 موديل غاتمشي ليك منحة خاصك تفاليدي 7 باش تبقى ليك )
واخيرا كنعاود نقول ونكرر صحاب باك قديم راه معندهمش الحق ادفعو المنحة او لي فايت دفع ليها ومتقبلش او لي نسا مدفعش ليها. صافي كيخصك باك جديد باش دفع ليها وراه مكاين حتى شي حل من غير هذا وبلا متبقاو تسولو او تقلبو
⬅️ بخصوص فتح الأحياء مرتبط بالحالة وبائية لكل جهة و سيتم بالتنسيق مع السلطات المختصة وزارتا الداخلية والصحة مع
معلومة إضافية:
لي فايت شد الباك ودفع به المنحة وعطاوها ليه راه ملي ادير باك اخر (جديد) راه ميمكنش ادفع به المنحة والى دفع راه غيلقا مشاكيل
وميمكنش تحيد منحة للباك القديم وتجيبها للجديد هادشي لا يمكن ابدا
بالتوفيق.
تعليقات
إرسال تعليق